بـــإآيـععـهآ . . فـهد الممسـآعد ..

ما كـل ضحكـه تهـزّ القلـب يشبعهـا

ومـا كـل دمعـه تمـرّ العيـن تبكيهـا

من شاف ضحكة زماني قال : "بايعهـا"

ما يدري اني فقيـرٍ مـا اقـدر اشريهـا

يا اللي نثرتـي سنيـنٍ كنـت اجمّعهـا

تكفيـن هـذي حصـاد العمـر لمّيـهـا

كم كنـت اهـدّد بـك الدنيـا والوّعهـا

كـل مـا اذكرتني..واذكّرهـا وانسّيهـا

بيدينـك اللـي احـس وكـن اصابعهـا

تقول : "بدري على الضيقـه وطاريهـا"

بعيونـك اللـي اناديهـا وانـا معـهـا

اللّـه ياكـم زعلتـي يــوم اناديـهـا

كنتي تحسبينـي اسـرح عـن مدامعهـا

وانا مـا غيـر اتهجّـى رحلتـي فيهـا

اي واللّه اذكـر عيونـك يـوم اطالعهـا

اقـرا بهـا انـشـودةٍ كـنّـا نغنيـهـا

كانـت تـروح وتهـجّ البـال واتبعهـا

تاخـذ عيونـي مـن الحـزن وتودّيهـا

لايام كنـت ارمـي بدنيـاي واجدعهـا

أيام ما .. كنـت اكحّلهـا.. ولا اعميهـا

طفـلٍ سلاحـه دموعـه يـوم يزرعهـا

من فوق خـدّه وكـفّ ابـوه يرضيهـا

اكبـر همومـه مـن دروسٍ يراجعـهـا

واقصى طموحه متـى ينجـح ويرميهـا

طفـلٍ وكـل امنياتـه كـان مطمعـهـا

يكبـر وتكبـر هنـوفٍ كـان يرجيـهـا

كبَرْت..و كبْرَت.. وضعت..وخفت اضيّعها

خلّيـت همّـي رضاهـا يـوم اداريهـا

كل مـا طعنّـي زمانـي رحـت ادلّعهـا

يوم الزمن ما تـرك لـي غيـر اياديهـا

ما كنت افكّر تجي فـي يـوم واسمعهـا

تقلـب حياتـي مـن اعلاهـا لواطيهـا

حتى اقبلـت تبكـي الدمعـه وتردعهـا

ثم قالت..وكـن موتـي بيـن اشافيهـا:

"جيتك أحلّـف عيونـك قبـل اودّعهـا

ما اشوف دمعة عتبهـا ليـن اخلّيهـا"

تبغـى تـروح وتخلينـي واطاوعـهـا

تبغاني اسكت واقول : "اللّـه يهْديهـا!!"

يـا أول احـلام روحٍ كــان دافعـهـا

انـك سندهـا وحاضرهـا وماضيـهـا

يا سنيني اللي قضيـت العمـر اجمّعهـا

يـا ذكرياتـي مـن اولـهـا لتاليـهـا

لا تتركينـي اعيـش العـمـر بايعـهـا

ضحكة زماني بدونك ما اقـدر اشريهـا

الله الله
صح لسان شاعرها
والف شكر ع الانتقاااء الرااااائع
لاعدمنااااا

إلععععععفوو

تسلمممممين ع المروووور ..

حـسـآيف ..

كم انت رائع ,,يا فهد بن مساعد,,,,,

لا عدمناكي يالغلا,,,,

‏*‏*****

تـسسلمين ع آلمممروور ..

» حـ۪ـْښآيـڣۥ ¬