الحب-ـ بقلم عاشقة الليل

ياسر و تالين..

ثنائي أحبا بعضهما وقاسوا وشقوا طريق الويل والمرض الذي سينهي حياة ياسر الطيب ..في نهاية المطاف

.....................................................

تالين|يمه أبي أروح المستشفى مع السايق أحس إني تعبانه شوي..

الأم|سلامات يابعد الدنيا وش فيك يالغاليه ؟..

تالين|ماما وش فيك لا تخليني اندم إني قلت لك عن تعبي ..يمه بس راسي يعورني شوي صار له أكثر من سنه يجي ويروح وأبي اقطع الشك باليقين بس يمه تكفين خليني أروح وأنا مطمنة عليك يمه ..وترى بطول شوي يمكن أمر على رفيجتي سارة باي يالغاليه ...

الأم|في حفظ الله يابنيتي انتبهي لنفسك،

((راحت تالين للمستشفى وخذت رقم للانتظار وجلست شوي على كرسي الانتظار ترتاح مو قادرة تطول وهي قايمه خايفه تدوخ وتطيح "هالحاله تجيها احياناً بالأسبوع مرة "))

الممرضة|تالين خالد الكاسر ,,

تالين|إيه نعم أنا هنيه ..

الممرضة|يالله تعالي جاء دورك ,,

((قامت تالين وراحت لدكتور وسوى لها تحاليل وفحوصات وقال لها تعالي بعد بكره ..قامت تالين وراحت تبي تطلع مع الباب وهي تمشي داخت وكان فيه واحد داخل يراجع عند الطبيب ماشي من جنبها طاحت عليه ..مسكها بقوه عشان ماتطيح ووداها للدكتور ..والدكتور عطاها مهدئ حتى نتيجة التحليل

وطّلع الرجال تالين برا المستشفى وجلسها على الكراسي اللي خارج المستشفى يبي يعرف من هلها عشان يوصلها ..بعد ما صحصحة زين وانتبهت له قالت وهي خايفه:..))

تالين|أنت منو وشنو يابني عندك ؟؟

الرجال|اهدي اهدي أنا أخوك ياسر كنت أبي ادخل المستشفى وشفتك دختي ووديتك للدكتور وكتب لك هالمهدئ حتى تطلع نتيجة التحليل والتحاليل قال لي الدكتور بعد يومين لا تخافين ..

تالين|مشكور اخوي هذا من ذوقك ..

ياسر|على العموم الحمد لله على سلامتك ويالله عشان أوصلك بيتك ؟؟

تالين|لا لا.. لاتتعب عمرك السواق هناك ينطرني مشكور اخوي الله يسلمك ما قصرت ..

ياسر|هذا كرتي أي شي تحتاجينه لا يردك إلا لسانك أنا بعتبر نفسي أخوك وأكثر إذا ما عندك مانع ؟؟

تالين|ولو أنا افتخر بخوتك ياشهم .. مع السلامة ..

((راحت تالين لسارة خويتها وكانت تالين طول اليوم سرحانة .. استغربت سارة من سرحان تالين الغير مألوف بالعادة ..))

سارة|تالين ؟؟ وش فيك أول مره أشوفك بهالحالة فيه شي ياتوتو..

تالين|سارة أنا ما اخبي عليك شي أنا اليوم طحت على رجال شهم وأيد ووداني للدكتور وجلس وياي وقام بالواجب وقال لي أعده مثل أخواني وعطاني كرته وأنا الحين حيرانة ولا ادري وش سبب حيرتي ؟؟

سارة|معليه يختي لا ينشغل بالك هذا شي طبيعي يصير مع كل البنات ؟؟

تالين|بس هو وأيد دهشني ؟؟

سارة|أنتي رايحه تتعالجين ولا رايحه تغازلين هاه؟؟

تالين|ههههههههههههههههههه

سارة|المهم الحين قومي تغدي ويانا ؟؟

تالين|لا لا روحي أنتي ما اشتهي !!

سارة|اوووووووو بدينا الحين بالتفكير ؟؟

تالين|لا ياسارة بس أبي ارتاح أحس إني تعبانه شوي

سارة|OK متى ما ارتحتي قولي لي أجيب غداك باي!!

((راحت سارة وتالين نامت شوي كانت تعبانه من الم رأسها..وياسر بعد ما راحت تالين من عنده راح للدكتور وخلص مواعيده وسأله عن تالين..))

ياسر|دكتور محمد وش اسم المريضة اللي جتك قبل شوي؟

الدكتور|ليش تسأل ؟

ياسر|لا لا بس حالتها تهمني وأيد وما قصدي شر ابد

الدكتور|اسمها تالين..

ياسر|طيب يا دكتور هي وش فيها ووش طبيعة مرضها؟

الدكتور|والله أنا لحد الآن ماعندي خبر انتظر التحاليل بس اللي أحس فيه إن عندها ورم والله اعلم !!

ياسر|الله يكون بالعون يخوي ..على العموم أنا بترك رقمي عندك أي تطورات عن النتائج خبرني !

((انتهت السالفة بينهم على هالشي بعد مرور ثلاث سنين من هالحدث كان فيه عزيمة كبيرة عند سارة .. وحضرة فيها تالين وعايلتها..))

سارة|اشلونك يا تالين وش مسويه وكيف الامتحان اليوم معك ما فضيت أسألك بالمدرسة اليوم ؟؟

تالين|تسأليني أنا عن الامتحان؟؟ ليه ما تعرفين رفيجتك وجدارتها بالامتحانات ؟؟

سارة|أو يالغرور ياللي بيذبحك على العموم يالله مشينا خلينا نروح للحديقة ..

((طلعوا البنات للحديقة وهم يضحكون فجاءه سكتت

تالين وقالت لسارة بصوت خافت..))

تالين|منو هذاك الرجال اللي عند أخوك ضاري ؟؟

سارة|هذا ولد خالتي نوره ياسر ..ليه تسألين عنه..

تالين| ليه ما قلتي لي عنه لحد الحين هذا يا سارة اللي لقاني عند المستشفى ذاك اليوم وقلت لك عنه..

سارة|متأكدة ياتالين معقولة هذا هو ؟؟

ضاري|سااااراة تالين ..تعالوا تعالوا أبيكم في سالفة

((كان يناديهم من بعيد شوي وهم يسمعون ..قالت تالين لسارة : روحي لضاري وقولي له أنا انشغلت شوي ومو قادرة أجي ..قالت سارة: لا حبيبتي رجلي على رجلك امشي معي ولا بزعل عليك ..مشت تالين وهي تحاول تبلع ريقها من الخوف ووصلوا للعيال وسلموا وجلسوا وتالين منزله رأسها وماتناضر احد منهم ))

ياسر|اشلونك سارة وسلون رفيجتك اللي متسحيه

تالين|ا ا الحمد لله .... أنت ا ا شلونك ؟؟

ياسر|تالين؟؟ أنتي تالين اللي شفتك بالمستشفى أنتي ؟

تالين|إيه إيه يا ياسر أنا تالين ..

ياسر|الله يالزمن ما كنت اضن إني رح ألقاك ثاني ..

ضاري|ياسر أنت تعرفها ..

ياسر|ضاري هالبنت هي اللي كنت أقول لك عنها اللي لقيتا بالمستشفى وداخت علي تذكر ..

ضاري|معقولة تالين هي اللي لقيتها ذاك اليوم ؟؟ بس والله صدقت حلوه وجذابة ..

سارة|لا وبعد تغزلت فيها ؟بس تبي الصدق ..حتى هي كلمتني عنك وقالت لي انك شهم وابن ناس ذربين ؟..

ياسر|هههههههههههه اشلونك ياتالين ووش سويتي وشنو طلع عندك ؟

تالين|طلع عندي ورم بالرأس والورم مسيطر على الدماغ كله وهذا أنا انتظر الموت بأي لحظة

ياسر|شنو هالكلام يتالين محد بجيه الموت قبل يومه

بس أنتي استمري على علاجاتك وان شاء الله رح تتشافين ..

سارة|على العموم أنا رايحة تأمرون على شي

ضاري|سلامتك

((راحوا البنات وبقي ضاري وياسر وكان باين على ياسر الاستياء من حالت تالين))

ضاري|ياسر يا أخوي وش فيك ؟؟

ياسر|شفت تالين ياضاري شفت الحالة اللي وصلت لها شفت؟

ضاري|ياسر وش فيك !! أنت حبيتها؟

ياسر|اكذب عليك إذا قلت لك لا أنا من ذاك اليوم وأنا أتمنى أشوفها والتقي فيها ثاني وأشوفها بأحسن حال هاذي أول وحدة من هالكون كله أحبها من كل قلبي صحيح ما تقابلت معها وأيد بس حسيت بحبي لها من أول ما شفتها وصدقني يا أخوي من هذاك اليوم وأنا ما اعرف أحب ولا اعرف أنام والسبب هي.. هي دخلت قلبي يا ولد خالتي ..

ضاري|خلاص ياخوي ولا يضيق خاطرك إن شاء الله فيه حل بس أنت امش نبي نتعشاء متنا يّوع !!

ياسر|لا لا روح أنت ما أشتهي

ضاري|كيفك ..ادري تبي العشاء أخر الليل بس مرح اكِل وياك ورح أخليك بروحك تأكل باااي^-^

((قام ياسر يمشي بالحديقة ويبكي ..كان يحاول يمسك نفسه ولا قدر حال تالين معور قلبه..ومن فرحته بشوفتها ثاني ..وتالين كانت جالس مع سارة

وسرحانة ..))

سارة|تالين وش فيك سرحانة فيه شي مضيقك ياقلبي ترى عيونك تقول فيك شي قوي

تالين|آآآآآآه ياسارة ماكنت اضن إني في يوم من الأيام أتعلق بحد كثر هالتعلق ..أختك ياسارة تعباااانة ومو قد الحب يالغالية المرض خذا منها وما بقى والموت على الأبواب ..

سارة|لا ياتالين وش هالكلام ؟؟كذا تحطميني بكلامك أنتي ياتالين اللي اقتدي بها في حياتي ..عزمك وإصرارك هي هدفي بهالحياة وأول مرة اسمع هالكلام المحبط منك مع انك عارفه إن الأعمار بيد الله استغفري ربك وخليك زي ماعرفتك يالقويه..

تالين|أنا بروح مع السايق للبيت أحس إني تعبانه ومو قادرة أكمل اليوم معك الله يهنيك يختي

سارة|الله وياك وانتبهي على نفسك ولا تتعبين روحك بالتفكير ..

((راحت تالين تبي تطلع من البيت وهي طالعة لقاها ياسر ولحقها عند السيارة..))

ياسر|تالين !!تالين ؟!!

تالين|نعم ياسر أمر ..

ياسر|ما يأمر عليك عدو بس أبي اطلب منك طلب وأتمنى توافقين ..

تالين|قول !

ياسر|أبي أشوفك بكرة بعد العشاء عند مطعم البحر إذا ما عندك مانع تكفين لا ترفضين

تالين|اخوي ياسر أنا ابد في حياتي ما قابلت أحد في مطعم غير سارة و. .

ياسر|لا تكملين ..أنا طلبتك وما اضن انك بترديني

تالين|خلاص أنا موافقة بس خليني أروح أنا تعبانه وأخاف أطيح قبل ما خذ العلاج "

ياسر|لا لا روحي وانتبهي لنفسك مع السلامة

((راحت تالين ونامت ومن بكرة راحت للموعد اللي اتفقوا عليه وكان ياسر ينتظرها في المطعم على أحر من الجمر ...))

ياسر|تالين تأخرتي ؟؟

تالين|مافيه شي بس كنت شوي مشغولة..

ياسر|على العموم الحمد لله انك جيتي أبيك في موضوع مهم

تالين|أمر شنو بخاطرك؟؟

ياسر|مايصير أول شي شنو تشربين ؟؟

تالين|ما اشتهي مو لازم

ياسر|لازم لازم بطلب لك بارد

((طلب ياسر العصير وقال لها بعد ما سولفوا شوي))

ياسر|تالين أنا احبك!!!!!!!!!!!!!

تالين|ياسر بس شنو هالكلام مآبي اسمعه ثاني

ياسر|تبيني اخفي شعوري تجاهك ياتالين؟

تالين|ياسر أنا مو متعودة على هالكلام أبداً

ياسر|تالين تتزوجيني ؟؟

((قامت تالين تبي تروح وياسر مسكها مع يدها وجلسها..))

ياسر|تالين تبين تقتليني ؟؟ تالين قلت لك أنا احبك وأبي أتزوجك ؟؟تالين أنا من شفتك وأنا أتمنى ارجع أشوفك ثاني عشان أقول لك أني احبك ..تكفين ياتالين لا تعذبيني معاك كثر عذابي الحين ..

تالين|آآآآآآآآآه ياياسر المرض يمكن ياخذني قبل ما أتزوجك ..تكفى لا تزيد عذابي بحبك تكفى خليني لحالي أقاسي لوعة المرض تكفى ..

ياسر|الله لا يخليني إذا خليتك يالغاليه الله لا يخليني..

تالين|ياسر أنا تأخرت وأبي أروح البيت خليني أروح خليني..

ياسر|روحي الحين بس فكري في كلامي زين ومرح أخليك هاه حطي ببالك ترى أنا نشبه ما أوخر لزقه ياباني أصلي ..

تالين|هههههههههه يالله مع السلامة

((راحت تالين وياسر كلم ضاري وقال له يجيه بنفس المكان ..وبعد ما وصلت تالين البيت كلمتها سارة

وسألتها عن اللي صار وقالت لها تالين عن كل شي وبعدها قفلت تالين الموبايل ونامت نامت وهي تفكر في كلام ياسر اللي دخل بالها وبحبه اللي بداء ينبض في قلبها من جديد ..

المهم بعد مرور سنه من هالكلام بيتقدم ياسر لتالين بعد ما توافق وبيتزوجون ورح يكونون في قمت السعادة بس المرض رح يكون العدو اللذوذ اللي رح يدمر حياتهم ..

بعد ثلاث أيام من الزواج رح تطيح تالين طيحه كايده وبيوديها ياسر المستشفى وهو يبكي بدل الدموع دم من هول اللي شافه ..ياسر حس نهاية تالين قربت

..وبعد ما استقرت الحالة استأذن من الدكتور عشان يدخل لها..وبالفعل سمحوا له ودخل...))

ياسر|تالين حبيبتي اشلونك الحين إن شاء الله زينه

تالين|الحمد لله ياسر أنا بخير لا تشغل بالك

ياسر|شنو لا اشغل بالي ؟ ليه أنتي رخيصة لهالدرجه ؟ ما ينشغل بالي عليك ؟؟

تالين|ياسر أنا نهايتي قربت والموت ما منه مفر يالغالي أنا قلت لك من زماااااااااان اتركني بعذبك معاي ..

ياسر|رح أكون معاك لأخر لحضه في حياتي ..تالين أنتي أغلى ما املك أنتي نور حياتي من غيرك اشلون أشوف ؟؟

تالين|ياسر حبك بقلبي مثل نبل السهام

حاولت أقول المستحيل ولأكن كف الكلام

والهم بــروح الحــنايا زاد فيـها الألم

وشوقي لك ما مـثله ولا حتى في بحر الحلم

أنساني ياصاحبي واعتبرني من وحل الوهـم ..

ياسر|والله ما أنساك ياهواء روحي ولو كان الموت هو الفراق..

حبك زرعته في قلبي من زمان ..قبل حتى ذكر الفراق

أنا معاك واسمع صدى صوتك ولو ماكنا بالمكان رفاق..

تالين|ياسر أنت راضي علي ؟؟

ياسر|راضي عليك من كل قلبي وأتمنى ارجع أشوفك تمشين قدامي بكل عزم وإصرار زي قبل زي ماكنتي تتحدين الرياح والأمواج والأيام وكأنك ملك الملوك

تالين|هه والله باقي عندك أمل ياولد المكارم أنا بروح برووووووح أنا أشوف مكاني ..مكاني بالجنة ألله يامحلى مكاني !! الله ماخذلني ياياسر الله عوضني خير من هالدنيا ياسر اللقاء بالجنة أن شاء الله اللقاء بالجنة مع السلامة يالغالي الله يحفظك

اشـ اشـ اشهد أن لا إ إله إلا الله..

ياسر|تالييييييييييييييييييييييييين؟؟؟!

((ماتت تالين وتركت ياسر بهالدنيا مايدري وين يطقها ياسر عاف الدنيا وما فيها والتها بالعبادة كان يقول للي يسأله عن سر التزامه بالدين:لعل الله يجمعني بتالين في دار البقاء في الفردوس الأعلى..والحمد لله ياسر مات مرتاح عن نفسه وعن أعماله مرتاح بالزاد اللي رح يلقى الله به وان شاء الله يدخل الجنة مع تالين في مستقر واحد بلا حساب ولا عذاب ..

آآآآآآآآآآآآآآآآآآآآآآآآآآآمين ..))

الله والله جنااااااااااااااااااااااااااااااااااااااااااااان الله يعطيك العافيه

يا مبدعه جد جد الابداع في حقك قليل

وانتضر جديدك ع احر من الجمر

يا عشوقة

cheers

لبى والله قلبش يالغلا والله اسعتيني بتفحيطتش على صفحتي حسيت انه زاد فيني ضلع

ان شاء الله رح يجيش مواضيع مو بس موضوع بس خليني افتك من شبح الامنحانات

وصبرك علي رح اخليكم تقولون بس غثيتينا يا عاشقه بمواضيعك

لبى روحش اختش عاشقت الليل

cherry